ندوة تثقيفية للدكتور هيثم عزالدين عن ضرائب المطاعم ضرائب الدخل والمرتبات والقيمة المضافة برعاية أرزاق
- دكتور هيثم عز مستشار ضريبي ومحاضر معتمد فى الضرائب الدولية
- |
- 2019/04/11
الضرائب على المحال والمطاعم
تنقسم الضرائب في مصر الى نوعين:
١- الضرائب المباشرة ٢- الضرائب غير المباشرة
طب حلو قوى يعنى ايه مباشرة يعنىان الضرائب حتيجى مباشرة على دخل سيادتك يعنى حتدفع من لحمك الحي الضرائب دي مقابل انك بتكسب دخلك من العمل فى مصر وبتسفيد من الخدمات الموجودة سواء كنت صاحب محل او مطعم او موظف وطبعا حتفرق كتير فى الحساب.
طيب لو انا شركة يعني اكتر من شخص فتحت مطعم اومحل حتدفع على مكسبك بعد ما تخصم المصاريف والاجور وغيره ٢٢.٥% وتبقى دي ضريبة الدخل السنوية
طيب لو حضرتك فاتح لوحدك او موظف ليها حسبه تانية طويلة شوية بس بعد ما تطلع دخلك لو صاحب مطعم حتخصم٨٠٠٠ جنيه وبعدين نحسب الضريبة.
طب لوكنت موظف حتخصم ٧٠٠٠جنيه بالاضافة الى ٨٠٠٠جنيه اللي فاتو ونحسب الحسبةوده على اجمالي الدخل السنوي
طب والغير مباشرة دي بقه مش حضرتك اللى بتدفعها ده الزبون بيدفعها على الاوردر وحضرتك تاخدها زي الشاطر توردها للضرايب وطبعا ده لاصحاب المطاعم مش الموظفين.
طيب كل المطاعم حتعمل كده طبعا لا تعال نقسمها تقسيمه حلوة:
اولا: المطاعم اللى بتعمل بيتزا او فطير او اي ماكولات من الدقيق عدا العيش يعني زي الكريب مثلا دي لها معاملة خاصة بتدفع ضريبة قيمه مضافة ٥% وبتسجل على طول اول ما يفتح المطعم وميعرفش يخصم اي ضريبة قيمه مضافة دفعها قبل كده.
ثانيا: المطاعم والمحلات اللي فى المطارات او المولات او الاماكن الاثرية او الملاهى اوحضرتك فاتح فى كمبوند.
ثالثا: المطاعم اللي بتكون تابعه او جزء من سلاسل مطاعم سواء محليه زي الشبراوي وجاد او عالميه زي كنتاكي.
رابعا: المطاعم السياحية اللي بتاخد ترخيص من وزارة السياحة.
خامسا: المطاعم اللي بتحط رسم خدمه او غيره من الرسوم.
المطاعم من ثانيا الي خامسا بتحصل ضريبة ١٤%علي الكابتن اوردر او الشيك بعد ١٢% حتحسب ١٤% وتحط الفلوس دي في الاقرار وتخصم اي ضريبة قيمه مضافة دفعتها قبل كده تخص المحل.
وكمان المطاعم والمحلات من ثانيا لخامسا حتتسجل في القيمه المضافة من تاريخ صدور القرار الوزارى رقم ٨٢ بتاريخ ٢٠١٧/٣/١٢ مش تاريخ صدور القانون ٢٠١٦/٩/٧
واي استفسار ممكن تكلمونى اقول لك علي بيشغل بالك في الضرايب
د/ هيثم عزالدين
