دكتور هيثم عز الدين خبير الضرائب ببساطة ما هي ضريبة القيمة المضافة - انت والضرائبب 1
- دكتور هيثم عز الدين مستشار ضريبي ومحاضر معتمد فى الضرائب الدولية
- |
- 2019/01/30
انت والضرائب.......
ايه يا عم موضوع القيمة المضافة اهو وجع وقلب وخلاص عايزين يطلعوا فلوس من الشعب وخلاص.
ده الموضوع اللي شاغل كل الناس حاليا طب هو الموضوع فعلا لم فلوس بس ولا في ان
طيب خلونا مع بعض نعرف ايه هي القيمه المضافة وايه القيمه اصلا اللي اضافت
القيمه المضافة دي ضريبه غير مباشرة
اااه دخلنا في كلام تقيل وملخبط
يا عم لا ارجع بس الموضوع بسيط
غبر مباشرة يعني حضرتك مش بتدفعها من مالك الخاص انت بتاخدها لما بتبيع السلعه او الخدمه بتاعت النشاط بتاعك اي ما كان حلو كده طب بعدين.
بعد شهرين حضرتك بتدفعها في الاقرار بتاعك.
بس خلي بالك انك كمان في الاقرار بتاعك الفلوس اللي انت دفعتها وانت بتشتري الخامات اللي حتشتغل بيها تطرحها من الضريبه اللي انت حطتها في الاقرار.
الله ده حلو قوى اي فلوس يعني
طبعا لا فلوس الضريبه علي القيمه المضافة زي اللي انت خدتها وانت بتبيع حياخد منك اللي بتشترى منه.
فمثلا انت اشتريت خامات ب ١٠٠٠ جنيه دفعت ضريبه ١٤٠ جنيه ايوه ما هى الضريبه ١٤% بس خلي بالك لازم تاخد فاتورة ضريبية عليها رقم التسجيل بتاعه وعليها رثم الفاتورة واضح وكمان اسمه واضح.
حلو لحد كده
وتقوم انت مصنع بالخامات دي وتبيعها ب٢٠٠٠ جنيه وتاخد ضريبة ٢٨٠ جنيه تمام كده.
تيجي في الاقرار وتحط ٢٨٠ جنيه اللي اخدتها وتطرح ١٤٠ اللي دفعتها.
وتروح زي الشاطر تدفع الفرق بينهم.
تمام كده هم ١٤٠ جنيه شكلك فهمتني.
يبقى انت اللي دفعته خدته تاني واللي حصلته دفعته.
طب مين بقى اللي دفع الضريبه اللي حيدفع اخر واحد خد السلعه او الخدمه الزبون يعني.
استني بس معرفتش لسه ايه القيمه اللي اضافت
اقولك يا باشا
القيمه اللي حضرتك زودتها بعد ما اشتريت وبعت بيها او صنعت اي ما كان اللي انت زودته.
طب كل الناس حيتسجلوا في القيمه المضافة.
طبعا لا بس حاقولك المرة الجايه بقه.
د.هيثم عزالدين
