بداية الألف ميل تبدأ بخطوة
- arza2.com
- |
- 2018/12/09
فى احدي لقائتنا فى ندوات فني وافتخر بمركز شباب حلوان الجديد فى مشروع دور الحوكمة فى تطوير التعليم الفني للدكتورة سلوي قطب معد ومنفذ المشروع, اتكلمنا مع الاباء والامهات عن انهم لازم يشجعوا اولادهم علي الشغل وثقافة العمل
بمعني ان الاب او الام لو بتدي الشاب مصروف فلازم ينزل شغل ومفيش مانع انها تساعدi فى نفس الوقت بالمصروف او المبلغ ده
وكان رد احدي الامهات الفاضلات ان الاهل ملهمش سيطره علي اولادهم والصراحه ده مشكلة تانيه
دلوقتي لو انت متخرج ومؤهلك دبلوم فطبعا مفيش اي خبره او معرفه عمليه او نظريه بالمجال اللي هتشتغل فيه
فبالتالي لازم تدور انك تطور نفسك ,التطوير ده بيبقي من خلال حاجتين
1- خبرة عمليه
2-دورات تدريبية سواء دوره او منحة تدريب فني او تدريب لتنمية مهارات التواصل اللي بيسموها Soft Skills ودى مهمه جدا
طب نفترض ان جالك فرصة عمل بمرتب مش كبير بس هتقدر تتعلم فيها مهنة زي اللحام او الطهى عشان تبقي فني لحام سواء ارجون او كهرباء او غيره او تبقي شيف مشويات او شيف حلو او حتي شيف سخن ,لازم تعيد حساباتك وتبدأ الخطوة الاولي فى طريق الالف ميل واوعي تكسل لان كده كده الزمن بيعدي فلما يعدي 5 سنين من عمرك وتحسب انت عملت فيهم ايه؟,فتلاقي نتيجة للخمس سنين دول لانك لو متعلمتش وعدت خمس سنين هتكتشف انك لسه واقف مكانك
المهن الفنية والحرفية اصبحت ضروره فى مجتمعنا ,وخصوصا ان فى مستثمرين كتير بيرفضوا يستثمروا فى مصر لنقص الايدي العاملة المدربة وعاوزين يجيبوا فنيين من دول جنوب شرق اسيا والهند
شعار فني وافتخر شعار حقيقي ومحتاجينوا لان اغلب العمالة المطلوبه فى المصانع والوظائف الخالية المتاحه للفنيين مش للمؤهلات العليا
تطبيقات أرزاق دوت كوم مهتمة بالعماله الفنية والحرفية سواء فى التدريب او الوظائف الفنية اللي بيدوروا عليها ,واحنا قدرنا نوفر اكتر من 15 الف فرصه عمل فى الست شهور اللي فاتت بالاضافة الي اكتر من 1500 فرصة تدريب فني مجانيه فى المجالات التاليه
1- لحام الارجون وثاني اكسيد الكربون CO2
2- فرص ومنح تدريبية فى ميكانيكا السيارات
3-فرص ومنح مجانية فى مجال كهرباء السيارات
4-فرص ومنح مجانية فى مجال كهرباء السليسيون والكنترول
5- فرص ومنح مجانية فى مجال التبريد والتكييف
6-فرص ومنح مجانية فى المهارات وتنميتها SOFT SKILLS
ابدء خطوتك مع أرزاق وتوكل علي الله ولكل مجتهد نصيب
وهي أرزاق
وظائف عمال وفنيين وحرفيين ومؤهلات عليا حديثي التخرج
وظائف خالية
فرص عمل
فرص تدريب
منح تدريب
