شركات لا تفكر فى العمل بها لو كنت مسئول موارد بشرية

• حازم حسن خبير واستشااري الموارد البشرية -hazem hassan HR Consultant
• |
• 2019/09/23

1- الحضور و الانصراف من المهام الاستراتيجية لحضرتك گ HR

2- مفيش حاجه اسمها جهاز البصمه للحضور و الانصراف دي بدعه ، حضرتك گ HR تجيب كرسي ذي الشاطر و تقعد عند بوابة المصنع والي يحضر تعمل جنبه علامه صح بالاخضر و الي ميحضرش اعمل جنبه علامه اكس بالاسود عليه و علي دماغه و ايامه السوده...طيب ليه اختلاف الالوان ده ؟؟؟سؤال جوهري!!!علشان عم عبده مش بيعرف يقراء..والجمله دي تقريبا مبني عليها كل شغلك

3-موظفين مكتب العمل لازم يكونوا صحابك المقربين علشان لو فيه موظف اتجنن و اشتكانا لمكتب العمل يتظبط،،،ازاى؟؟؟ لازم تعرف تعمل شاي بالياسمين.

4- مفيش حاجه اسمها اجازات سنوية تترحل للسنة الي بعدها او تاخدهم مقابل مادي.

5- مفيش حاجه اسمها اجازات سنوية و مرضى و عارضه ، هما كلهم حاجه وحده حوالي 15 يوم احنا مش حنجنن نفسنا

7-لو حضرتك اقنعت الحاج عبده بانك تعمل Training للموظفين علشان ترفع من مستواهم و يجيبولك فلوس اكتر للمصنع حتكون حضرتك الي حتعمل التدريب و تدي التدريب بغض النظر قريب او بعيد من مجالك و كمان ميكونش في ساعات العمل ..علشان الانتاج اهم من اي تدريب...ازاي معرفش... ممكن تجيبهم يوم الاجازة علي حسابك

8-مفيش حاجه اسمها فيزا للموظفين علشان يقبضوا ، هي طرابيزه زي الفل و كرتونه فيها االفلوس و كشف القبض و يقفوا صف ورا بعض ،،،، وطبعا عم عبده حيكون قاعد معاك او تقريبا قاعد علي حجرك علشان لو قرر يخصم او يرفد حد علي سهوه.

9-لو رفدت موظف اوعه تديلوا ورقه قبل ما تطلع عينه ،،، و قبل ما تعيبن موظف مضيه علي استماره 6

10- ترقية الناس ملهاش علاقه بالكفاءة و الكلام الفارغ ده....عم عبده بيحب مين و مستريح لمين.. الترقيه اساسها رؤية عبده

11- اوعه تعرض عليه انكوا تعملوا لاسمح الله HRIS او تقولوا اي فكرة جديدة... ممكن يعتبرك ملحد.

12- عدد ساعات الشغل لعامل او موظف 12 ساعات.. يعني 8 + 4اضافي؟؟؟ لالالالا ، 12ساعه كله علي كله.

13- ساعة البريك دي بتاعة الناس التوتو ، انما احنا بنشتغل 12 ساعة ديركت.

14- لما الموظف يمضي علي عقد العمل بيكون العقد ابيض مفيهوش اي راتب او اي وظيفة وبعدين بتملاه براحتك و كما يحلوا للحاج.. وطبعا استحاله ان الموظف يستلم نسخة من العقد (اعتبر الموضوع جواز عرفي....حلوه الصيغه دي)

15- ال Target بتاعك (اليومي و الشهري و السنوي) هو الجزاءات،،، كتر الجزاءت للموظفين علي قد ما تقدر علشان توفر للحاج عبده.

16- عم عبده ليه طريقته الخاصة في متابعة اداء العمال و الموظفين طول النهار قاعد في قلب المصنع (داخل صالات الانتاج) بيشيش .لان الحاج لايعترف بكاميرات المراقبه او تقرير المشرفين..