الطريقة الصحيحة و كيفية كتابة وانشاء اعلان عن وظيفة
- حازم حسن خبير واستشااري الموارد البشرية -hazem hassan HR Consultant
- |
- 2019/08/22
اعلان الوظيفة لازم يكون فيه تفاصيل عشان تساعدنا في الوصول للشخص المثالي
واحدة من اهم التفاصيل دي هي الوصف الوظيفي
حضرتك لازم تكتب اهم النقاط الموجودة في ال JD وانت بتعمل الاعلان
طيب ليه؟
1- عشان تبداء عملية ال Screening قبل ما تستلم CVs اصلا , كل ما حضرتك كتبت تفاصيل تحدد بيها شروط التقديم للوظيفة كل ما بتستبعد الاشخاص الغير مناسبين , لانهم مش حيقدموا علي الوظيفة ( حيعرف انه Under Qualified )
2- تقيمك لقناة التوظيف Recruitment Channel حيكون ادق و ليه معني
طيب ازااااي؟
نفرض انك حطيت اعلانين علي الفيسبوك طالب فيه "محاسب" :-
1- (الاعلان الاول) كل الي ذكرته هو 4 سنوات خبرة.
2- (الاعلان الثاني) ذكرت النقاط المهمة في ال JD و المهارات و البرامج المطلوب اجادة العمل عليها.
ال CVs الي حتيجي من اول اعلان نسبة ال Under Qualified Candidates حتكون اعلي بكتير من الاعلان التاني ..
و بالتالي حضرتك بناء علي الاعلان الاول حتقيم قناة التوظيف علي انها مش Effective ,
و حتكون شايف ان كل المشكلة بسبب قناة التوظيف.
بس ده حكم غلط و حيخليك متوصلش للنتيجة الي حضرتك بتحاول توصلها , علي الرغم من ان المشكلة في اعلان حضرتك مش قناة التوظيف
اشتغل بالطريقة الصح عشان تعرف تعمل analysis و تعرف المشكلة فين بلاش نظام كله علي كله او عبيله و اديله
