كيفية كتابة السيرة الذاتية بطريقة صحيحة

• حازم حسن خبير واستشااري الموارد البشرية -hazem hassan HR Consultant
• |
• 2019/08/01

 ال CV بتاعتك هي عنوانك و مهم جدا انها تتكتب بصورة منظمة و Professional عشان يكون ليك فرصة كبيرة في حضور ال Interview

فيه كام نقطه كده لاازم تاخدوا بالكم منها وانتم بتكتبوا ال CV

1- البينات الشخصية و الاساسية لازم تكون واضحة و كاملة ولازم تكون كلها في الاول مش حبت في الاول و حبة في اخر ال CV :-

• الاسم بالكامل • العنوان • الايميل • ارقام التليفونات • الحالة الاجتماعية • الموقف من الخدمة العسكرية • الصورة لازم تكون فورمال طيب لو معندكش روح لاي استوديو و اتصور فورمال و اطلب منه يحطلك الصورة علي فلاشه (مش حياخد منك 30 جنيه) • اوعه تنسه تكتب رقم تليفونك او ايميلك لان ال Recruiter

مش حيدور عليك , انت الي بتدور علي الشغل 2- التسلسل الزمني للاحداث سواء للدراسة او الشغل لازم يكون من للاحدث الاقدم بالنسبة للدراسة :

1) اكتب بكالوريوس او ليسانس ايه بالظبط

2) درست فين

3) تاريخ البدء و الانتهاء

4) التقدير العام ولو بعد التخرج اخدت Certificates او Diploma او MBA في اي مجال حتتكتب طبعا قبل البكالوريوس او الليسانس (خليك فاكر من الاحدث للاقدم) حتكتب فيها نفس عناصر تفاصيل الدراسة الجامعية و كمان ممكن تضيف عليها ايه المواد الي حضرتك درستها , لان دلوقتي عندنا مسميات كتير mini MBA و MBA غير كده مثلا ال HR Diploma محتوياتها بتختلف من مكان للتاني بالنسبة للشغل (من الاحدث لاقدم) :

• اسم الشركة

• منصبك

• تاريخ التعيين

• تاريخ ترك العمل

• مكان العمل

• كنت مسئول عن كام موظف

• كنت بتعمل ايه (النقطة دي اكنك بتكتب الوصف الوظيفي بتاعك) طيب لو انا شغال في مكان و مفيش JD محدد اعمل ايه؟؟ ادخل علي جوجل و ادور علي ال JD واخده Copy Paste ؟؟ غلط طبعا و حيكون واضح انك ناقله ... طيب تعمل ايه؟ ممكن ال JD الي حضرتك جبته ده تاخد النقط منه الي حضرتك فعليا بتعرف تعملها بجد , او ممكن تجيب ورقة و تكتب المهام الي انت بتشتغل عليها من اول ما تعينت في الشركة و تبداء تجمع لنقط المتشابها في جروبات و تستخلص اهم النقط الي انت بتعملها • بلاش تكتب مهام انت مش بتعرف تعملها عشان في الانترفيو متحطش نفسك في ورطه

3- و انت بتكتب ال Skills بتاعتك بلاش تكتب 30 مهارة (خلي الموضوع يكون واقعي شوية اكتب 3-4 المهمين و ليهم علاقة مهمة بالوظيفة)

4- بلاش تحط الوان في ال CV

5- لو انت مستواك متوسط في ال English اكتب Good بلاش مبالغة, قيم نفسك صح , اعمل اختبار تحديد مستوي اللغة الانجليزية مجانا علي الانترنت و اعرف مستواك بالظبط ..لان كل ما بلغت المصداقيت بتقل

6- اوعه تكتب انك معاك مثلا HR Diploma من ال AUC و انت اصلا مش معاك... حتكون علي ال Black List اكييد

7- تجنب الاخطاء النحوية و كتابيه و حضرتك بتكتب لانها بتساهم بنسبة ما في تحديد مستواك في اللغة (مينفعش تكون كاتب انك Excellent او Very Good في الانجليش و ال CV مليانه غلطات كده ال HR حيفهم انك مستواك في اللغة مش ذي ماانت كاتب)

8- نصيحة لكل ال Fresh Graduates الي بيكونوا صحاب و نفس الدفعه , بلاش الاقي ال CVs بتاعتكم هي Copy Paste من بعض و الاختلاف بس في اسم حضراتكم بالكامل , بمنتهي السهولة حيتعرف و كمان حعرف من الي كاتب ال CV بنفسه و مين الي ناقل منه ) ربنا يوفقكم و يكتبلكم الخير و يوسع عليكم يارب اكون افدتكم و لو بمعلومه بسيطه

#Hazem_Hassan #Employee_Based_Management #CVs #Fresh_Graduates